Bjarki
Greindist 35 ára með 4. stigs ristilkrabbamein
„Aldrei láta neinn taka vonina frá þér ef þú hefur ekki von þá hefur þú ekkert“
Bjarki segist hafa grátið sennilega í um tvær vikur eftir að hann greindist með 4. stigs ristilkrabbamein. Hann var búinn að vera með sáraristilbólgu í 17 ár og lifað með því. En fór svo að finna fyrir miklum, skrítnum eiknkennum og fyrirferð í maganum. Hann var sendur í röntgen þar sem kom í ljós mikil fyrirferð í ristlinum og bólgur. Hann endar á að fara í bráðaaðgerð þar sem ristillinn er fjarlægður og hann fær stóma.
Bjarki hefur farið í mikla andlega vinnu og í djúpa hugleiðslu til að sigrast á þeim ótta sem kemur upp við greiningu sem þessa. Hann hafi kynnst Kraft eftir að hann lagðist inn á krabbameinsdeildina eftir aðgerðina og lesið Krafts-bókina – Fokk ég er með krabbamein og lesið og hlustað á sögur annars fólks og fundið hvað það hefur hjálpað að geta speglað sig í öðrum. Hann finnur hvað Kraftur er öflugur bakhjarl með stuðningi sínum og hvetur alla sem eru á þessum aldri að greinast að leita til félagsins.
Bjarki er í lyfjameðferð og er verið að reyna halda krabbameininu niðri en hann lifir fyrir hvern dag með konu sinni og börnum. Hann segir að það séu einhvern veginn allir með honum í þessu en hann sé líka búinn að vera opinskár svo að fólk viti hvað er í gangi.
LÍFIÐ ER NÚNA ARMBANDIÐ
Sýndu stuðning í verki með því að bera LÍFIÐ ER NÚNA armbandið.
Armbandið er fáanlegt í þremur stærðum: Small, Medium og Large.
Armbandið er í gylltum tónum þetta árið í tilefni af 25 ára afmæli Krafts.
Armbandið fæst á vef Krafts og í verslun Krafts í Skógarhlíð 8. Þú getur líka keypt armböndin í völdum verslunum Krónunnar og Hagkaups, Karakter í Smáralind, Companys í Kringlunni og Kúnígúnd á Akureyri og í Kringlunni ásamt Krabbameinsfélaginu í Reykjavík, í Árnessýslu og á Akureyri.
